01. Dezember 2019 | 19:00

StandUpComedy WEDDING #3 / ستانداب بالعربي #٣

Kinan is doing stand up in arabic with his friends from Dubai. You´re an arab? You love comedy? You gonna explode from laughter, wallah! So yallah!

More information to come…

اهلا وسهلا فيكم نورتوا الدار. احلى ملقى بلاقيكم ولو كنتو كتار.

يسرنا نقدم لاول مره (هيك يعتقد) اول عرض ستاند اب كوميدي بالعربي غي برلين مع مجموعه مميزه من الكوميديانز العرب كنان العطار، كارمن شريم، ايمان خلوف وعمار دبا.

العرض بيبدا الساعه ٨ ببار مسطول ب ڤيدينچ العنوان مكتوب بالافرنجي تحت.

والآن بالنسبه للكوميديانز :
*** كنان***
ولد كنان بدبي وترعرع في بيئه محبه للكوميديا (مسرحيات فؤاد المهندس، عادل امام، سمير غانم وغيرها الكتير) إذا بيفهم بشي بكون هاد الشي هو الستاند اب. شغله بدمه يعني. كنان اجا عبرلين من أجل هدف سامي الا وهو دراسه الطب بس فشل فشل ذريع كتير. بدأ بال 2015 يعمل استاند كوميدي بالانجليزي و الالماني و مشيت القصه معه. كنان تقريبا كل يوم بكان بيعمل كوميدي لذلك مااخدت معه وقت كتير لصار نجم من نجوم المشهد الكوميدي ببرلين.
Instagram: kinan_al_

***إيمان***
ايمان عصفوره الكوميديا. اردنيه من اب فلسطيني وام تركيه. بدأت ايمان التحليق في عالم الفن من شي سنتين. بالعزم والإرادة ورغم رفض المجتمع حققت ايمان نجاح منقطع النظيرفي اسكات من كان يشكك في قدرتها. لفتت والدتها نظرها ان لسانها الطويل „طلع بفايده“ باختصار ايمان مكنه „punchlines“.
Instagram: emosh007

***كارمن***
. كارمن“صيحه“ المشهد الكوميدي في برلين. لبنانيه الأصل والمنشأ. صوتها عالي بالنسبه لحجمها وكمان خفه دمها و موهبتها في كسب حب الجمهور. كارمن تعتبر ارابيك سكسيفول ستوري لم يكتشفها الإعلام لسه.
Instagram: carmenita01

***عمار***
عمار سوري اصيل لسانوا طويل و يالطيف شو رزيل. لذلك يعتبر عمار من الاصوات اللي المهمه نظرا لرؤيته الثاقبه للمجتمع اللي حواليه و عمق تفكيره بشغلات بلا طعمه. عمار عنده ستاند اب سبيشال لكوميدي سنترال وهو مجنون استاند اب من الطراز الأول.
Instagram: ammarodaba

Doors: 7pm
Show: 8pm